Fritz fon Vajzseker, djali i ish presidentit gjerman, Riçard fon Vajzseke është goditur me thikë teksa jepte një leksion në spitalin e Berlinit, ku punonte si drejtor.

Një burrë 57-vjeçar është vërsulur nga publiku dhe e ka qëlluar me thikë.

Një polic, jashtë turni, i cili ndodhej i pranishëm në sallë është plagosur teksa përpiqej ta ndalonte agresorin.

Fon Vajzseker ka vdekur në vendngjarje, pavarësisht ndihmës së shpejtë që i është dhënë menjëherë nga kolegët.

Policia nuk e ka ende të qartë motivin e sulmit të kryer nga personi, i cili nuk ishte pacient i spitalit.

Vajzseker ishte bërë president i Gjermanisë Perëndimore në vitin 1984, dhe më pas presidenti i parë i Gjermanisë së bashkuar, pas rënies së murit.