Dorëheqja e ministrit të mbrojtjes, Netanyahu kërcënohet me zgjedhje të parakohshme

16 nëntor 2018 | 11:08

Kryeministri izraelit, Benjamin Netanyahu, u përball me thirrjen e partnerëve të tij të koalicionit për të mbajtur zgjedhje të parakohshme, vetëm një ditë pasi dorëheqja e ministrit të mbrojtjes la qeverinë me një shumicë minimale.

Avigdor Lieberman vendosi të japë dorëheqjen të mërkurën për shkak të asaj që ai e përshkroi si politikë tepër të butë të qeverisë, për reagimin ndaj dhunës ndërkufitare me militantët palestinezë në Rripin e Gazës.

Humbja e pesë mandateve të fraksionit të Izraelit, Beitenu, që kryesohet nga Lieberman, e lë Netanjahun me kontrollin e vetëm 61 prej 120 vendeve në parlament, duke ngritur shpresën se zgjedhjet e planifikuara të nëntorit 2019-n, do të mbaheshin më përpara.

Dorëheqja e Liebermanit hyn në fuqi 48 orë pas dorëzimit të aktit, gjë që ai e bëri të hënën herët.

Tashmë secili partner i koalicionit do të ketë fuqinë për ta rrëzuar qeverinë, ndërsa për të shmangur një krizë, Netanjahu po mban bisedime me ministrat në një përpjekje për të stabilizuar qeverinë.

Lajme të sponsorizuara

Të fundit
Ushtria amerikane do të tërheqë qindra trupa të përqendruar në…