Dorëzohen edhe 12 padi ndaj serbëve për krime lufte në Gjakovë

01 gusht 2019 | 13:48

Zyra për mbledhjen dhe dokumentimin e krimeve të luftës në Gjakovë, ka dorëzuar sot në Prokurorinë Speciale, kontingjentin e 12 padive ndaj serbëve të dyshuar për krime të luftës.

Pas dorëzimit të këtyre padive, Shkendije Hoda ka deklaruar se kontingjenti i këtyre kallëzimeve penale është bërë nga vetë dëshmitarët e rasteve, ku si të tillë kanë qenë vetë prezent qoftë vrasje apo dhunime seksuale nga forcat serbe. “Le të bëjmë presion sa më shumë që kriminelët të cilët janë pjesëmarrës të këtyre krimeve në komunën e Gjakovës të fillojnë një procedurë penale ndaj tyre. Këto kallëzime penale nuk janë përralla, por ngjarje të vërteta. Ne e dimë se si shkojnë procedurat gjyqësore. Ne nuk presim që këto të bëhen me shkop magjik”, ka deklaruar Hoda.

Ajo ka shtuar se vetëm në komunën e Gjakovës ka mbi 1600 persona të vrarë, e rreth 5000 raste të dhunimeve, ku kriminelët dihen me emër e mbiemër, dhe ekzistojnë edhe fotografitë./kp/

Lajme të sponsorizuara

Të fundit
Komuna e Gjakovës javën e kaluar kishte njoftuar se banorët…