Drejtoresha për Kulturë, Rini dhe Sport, Valdete Idrizi, ka marrë pjesë në “Forumin e Grave Shqiptare të Suksesshme në Rajon”, i organizuar me datat 7 dhe 8 mars nga Unioni i Bashkive Shqiptare në Rajon dhe Komuna e Preshevës.

Qëllimi i këtij organizimi ishte promovimi i modeleve frymëzuese dhe mbështetja e çdo zonje në ngritjen e kauzës për përfaqësim më të madh të gruas në vendimmarrje dhe shoqëri.

Ky forum është mbajtur në Preshevë, duke bërë bashkë kështu zonja të suksesshme nga i gjithë rajoni.