Drejtori i Bujqësisë në Ferizaj, Burim Bajrami ka vizituar fermerët kultivues të perimeve. Gjatë kësaj vizite ai është ndarë i kënaqur me punën dhe rezultatet e subvencionimit të këtij sektori.

Bajrami ka thënë se mbështetja për bujqit e fermerët ferizajas nga ana e Drejtorisë së Bujqësisë dhe Pylltarisë, po përkthehet në zhvillim të ekonomive familjare dhe fuqizimi të këtij sektori në Komunën e Ferizajt.

“Të tillë janë edhe kultivuesit e perimeve në serra dhe jashtë saj. Pamë nga afër ecurinë e punës të këtij viti si dhe funksionimin, përdorimin e pajisjeve të cilët fermerët përfituan përmes thirrjes publike të Drejtorisë së Bujqësisë dhe Pylltarisë. Mbështetja për fermerët do të jetë e vazhdueshme për të fuqizuar akoma më shumë këtë sektor porse edhe do të shumëfishohet mbështetja në këtë drejtim, në dobi të fermerëve ferizajas”, ka thënë Bahrami.