Ish-ushtari i Ushtrisë Çlirimtare të Kosovës (UÇK) dhe njëri ndër basketbollistët më të mirë të Kosovës, Fikret Shatri nga Tomoci i Burimit, ka kujtuar periudhën e arrestimin të tij dhe të bashkëluftëtarit të tij Avni Shalës nga Logja e Pejës.

Shtri përmes një postimi në llogarinë e vet në “Facebook” ka kujtuar periudhën e arrestimit të tyre tek “Përroi i Gërvallës” dhe ikjes së tij një ditë më pas nga zyrat ku merrej në pyetje.

“Sot 23 vite më pare unë ika nga burgu (kati i tretë, edhe pse isha i prangosur dhe i lodhur nga brutaliteti dhe torturat çnjerëzore nga punëtorët e UDB-ës: Bora Vllahović, Calić dhe tradhtari Besim Shala) këta udbasha u bënë nervoz me ne pasi që ua gjakosem pistoletat me gjakun që rridhte nga koka ime dhe Avniut!”, ka shkruar Fikret Shatri.

“Mëngjesin e hershëm të datës 18 maj 1998, arrita të ikë, nga zyrat e sigurimit shtetërorë Serbe, nga kati i tretë, ndërsa shoku ime u dënua me tri vite burg dhe përjetoj masakrën e Dubraves! Kogja dramë, kogja përjetim, tash po na duket sikur ta shikonim një film horror në kinema!!!!”, ka shkruar ai.

Postimi i plotë i tij:

Me 17 maj 1998, unë me këtë shokun time Avni Shala, u arrestuam nga forcat paramilitare Serbe, ne Kryshec te Pejes- përroi i Gervallës, pas vizitës se bere komandantit Naser Shatri, ne Prilep te Deçanit, me qellim mobilizimi ushtarak. Sot 23 vite me pare unë ika nga burgu (kati i trete, edhe pse isha i prangosur dhe i lodhur nga brutaliteti dhe torturat çnjerëzore nga punëtorët te UDB-ës: Bora Vllahović, Calić dhe tradhtari Besim Shala) këta udbasha u bene nervoz me ne pasi qe jua gjakosem pistoletat me gjakun qe rridhte nga koka ime dhe Avniut!

Mëngjesin e hershem te datës 18 maj 1998, arrita te ikë, nga zyrat e sigurimit shtetërorë Serbe, nga kati i tretë, ndërsa shoku ime u dënua me tri vite burg dhe përjetoj masakrën e Dubraves!?

Kogja drame, kogja përjetim, tash po na duket sikur ta shikonim një film horror në kinema!!!!