Dua Lipa të hënën performon në “Stadthalle” në Vjenë, shiten të gjitha biletat

22 maj 23:28

Këngëtarja Lipa do të performojë, me 23 maj nga ora 20:00 në sallën qendrore të Vjenës (Wiener Stadthalle), me një kapacitet prej 16 mijë vetash

Dua Lipa “dridh” skenat evropiane. Pas turneut të suksesshëm në disa qytete në Gjermani, dhe së fundmi edhe në Cyrih, të hënën këngëtarja kosovare më famë botërore do të performojë para publikut austriakë, shqiptarë dhe të huaj, shkruan albinfo.at

Këngëtarja Lipa do të performojë, me 23 maj nga ora 20:00 në sallën qendrore të Vjenës (Wiener Stadthalle), me një kapacitet prej 16 mijë vetash.

Mediat austriake kanë shkruar se publiku dhe fansat e saj janë në pritje të “një koncerti të vërtetë të një dive muzikore”.

26 vjeçarja Lipa do të sjell albumin e fundit “Future Nostalgia” dhe do të këndojë të gjitha hitet e saj, raporton albinfo.at

Programi i Dua Lipës do të jetë i ndarë në katër pjesë (me po aq sa do të këtë edhe ndryshime kostumesh). Ajo do të shoqërohet me një grup të madhe që do të përcjellin përformancat e saj në skenë.

“Future Nostalgia” kryesoi listat e albumeve në nëntë vende dhe u rendit në dhjetëshen e parë në rreth 30 vende.

“Duhet të punosh shumë, nuk duhet të dorëzohesh për të realizuar ëndrrat e tua. Nuk duhet të dalësh me planin B, por të bësh gjithçka që mundesh për të realizuar planin A”, ka thënë Dua gjatë këtyre ditëve në një intervistë.

Së fundmi ajo ka publikuar këngën “Sweetest Pie”, një bashkëpunim me reperen Megan Thee Stallion.

Lajme të sponsorizuara

Të fundit
Presidenti i Shqipërisë, Ilir Meta, nesër do të vijë për…