Njohësi i çështjeve politike, Naim Rashiti, ka bërë me dije se duhet të ristrukturohet kabineti qeveritar.

Në profilin e tij në “Facebook”, ai ka shkruar se ky ristrukturim nënkupton kthimin Ministrisë së Integrimeve Evropiane, Ministrisë së Ambientit, Ministrisë së Administratës Publike dhe ndarjen e politikave financiare nga shërbimet sociale.

Sipas tij, këto do të kërkohen në mënyrë eksplicite nga BE-ja nëse Kosova dëshiron të aplikojë për statusin e kandidatit për anëtarësim në BE.

Postimi i plotë i Rashitit:

Qeveria e Kosovës duhet te ristrukturojë kabinetin dhe shtrijë siç duhet qeverisjen sektoriale:

-Të kthehet Ministra e Integrimeve Evropiane

– Të kthehet Ministria e Ambienitit e cilat duhet te ristrukturohet dhe fuqizohet per tu marrë me zhvillimin e politikave dhe projektveve per mbrojtjen e ambientit dhe Agjendat e të ardhmës (Gjelbërt)

– Të rikthehet Ministra e Adminstrtratës Publike dhe bëjë e bartë reformat e rëndësishme

– Të ndahen politikat financiare nga to të shërbimeve sociale dhe të punës

– Të vendoset drejtë inovacioni dhe zhvillimi

Sa më herët më mirë. Nëse dikush mendon për përafrim me BE-në apo procesin e përgatitjes për aplikim për statusit e kandidatit për anëtarësim në BE, duhet sa më parë të bëjë këto ndryshime.

Këto edhe do të kërkohen në mënyrë eksplicite nga BE-ja nëse Kosova i bën kërkese për aplikim.

Prandaj një ristrukturim i tillë e lejon qeverinë të bëjë punën më mirë, sektorët të forcohen e politikat integruese të zvhillohen më mirë!