Duro, trajner i Dritës

17 shtator 2018 | 12:47

Sot do të bëhet prezantimi zyrtar i teknikut Shpëtim Duro me ekipin kampion të Kosovës, Drita.

Ai do të firmosë një kontratë 1-vjeçare me klubin, duke u renditur në një ndër trajnerët më të paguar.

Burime pranë klubit bëjnë të ditur për Telesport se paga do të jetë e përafërtë me trajnerin Mirel Josën, mediat kanë treguar për një shifër rreth 3500 euro për Josën.

Pas Partizanit, Skënderbeut, Vllaznisë, Besës, Shkëndijës së Tetovës dhe së fundmi Flamurtarit, trajneri do të ulet në bankinën e kampionëve me qëllimin e vetëm rikonfirmimin e titullit kampion.

Por misioni do të jetë i vështirë duke pasur parasysh fillimin e keq të ekipit në këtë sezon, pasi ka pësuar katër humbje radhazi në kampionat.

Para disa ditësh drejtuesit e klubit gjilanas udhëtuan drejt Tiranës pas largimit të trajnerit Bekim Isufi, për të takuar dy trajnerët, Duro dhe Gjoka por siç duket Shpëtim Duro ka rënë dakord për të marrë timonin e ekipit.

Lajme të sponsorizuara

Të fundit
Drejtori i Shoqatës së Transportit Rrugor në Kosovë në kuadër…