Kryetari i Komunës së Rahovecit, Smajl Latifi, u ka bërë thirrje të gjithë mësimdhënësve që pas vendimit të qeverisë nga nesër t’i rikthehen procesit mësimor me qëllim që nxënësit të mos humbasin orët e mësimit.

“Qeveria Haradinaj ka reflektuar në kërkesat e grevistëve dhe kryeministri ka njoftuar se do të ketë rritje të pagave për mësimdhënësit”, ka shkruar Latifi në llogarinë e vet në “Facebook”.