Eksperimenti i ri zbulon inteligjencën e habitshme të korbit

27 janar 2020 | 14:18

Një studim i ri ka zbuluar se korbët janë më inteligjentë nga sa dinim.

Studimi tregon se korbët e Kaledonisë (Corvus moneduloides) mund të ndërtojnë vegla të përbëra nga disa pjesë të pavarura, një aftësi kjo që deri tani ishte parë vetëm te majmunët primatë.

As fëmijët nuk mund të realizojnë këtë arritje në fillim të jetës së tyre pasi kërkon shumë llogaritje, energji cerebrale dhe aftësi të zgjidhjes së problemeve.

“Zbulimi është impresionues pasi korbi nuk kishte asistencë dhe stërvitje në kryerjen e këtyre kombinimeve, të cilat i llogariti vetë,” tha Auguste von Bayern, autor i studimit të Institutit të Ornitologjisë Max-Planck në Oxford.

Shkencëtarët u kishin dhënë tetë korbëve në eksperiment një kuti të tejdukshme me ushqim me të cilën korbët duhet të fusnin një shkop në një vrimë, për të shtyrë ushqimin në hapjen e anës tjetër.

Fillimisht studiuesit lanë disa shkopa të gjatë pranë kutisë dhe korbët shpejt mësuan se mund t’i përdornin për të shtyrë dhe kapur ushqimin e tyre. Më tej ata lanë pranë kutisë shkopa më të shkurtër, të cilët mund të kombinoheshin me njëri-tjetrin për të krijuar një shop të gjatë.

Çuditërisht katër nga tetë korbët bashkuan dy shkopinj dhe e përdorën për të shtyrë ushqimin.

“Është e mundur që ata përdorin njëfarë simulimi virtual të problemit, sikur veprime të ndryshme imagjinohen në trurin e tyre deri në gjetjen e një zgjidhjeje të pranueshme,” tha Alex Kacelnik i Universitetit të Oxford.

Një nga korbët i quajtur Mango ishte dukshëm më inteligjent se të tjerët pasi mund të krijojnë vegla të përbëra nga tre ose katër elementë, duke krijuar një shkop shumë të gjatë që e shtynte ushqimin nga një distancë e konsiderueshme.

 

Lajme të sponsorizuara

Të fundit
Kryetari i Lëvizjes Vetëvendosje, Albin Kurti, e ka konfirmuar takimin…