Profesori dhe eksperti amerikan për Ballkanin Perëndimor, Alon Ben Meir, ka thënë se është tronditur nga pamjet e djeshme nga salla “1 Tetori”, në Prishtinë, ku u krijuan radhë të gjata për vaksinim të qytetarëve.

Ai për ketë ngjarje ka shkruar në rrjetet sociale “Facebook” dhe “Twitter”.

Alon Ben Meir ka thënë se kryeministri Kurti nuk duhet të ndërhyjë në punët e brendshme të fqinjëve siç bëri gjatë zgjedhjeve në Shqipëri, përkundrazi ai duhet të merret me çështjet e menjëhershme që prekin qytetarët e Kosovës.

“Tronditëse të shohësh qindra të moshuar të grumbulluar, duke pritur për orë të tëra për të marrë vaksinën e tyre Covid-19. Kjo është një pamje e qartë e dështimit të qeverisë për të trajtuar siç duhet procesin e vaksinimit. Kryeministri Albin Kurti nuk duhet të futet në punët e brendshme të fqinjëve siç bëri gjatë zgjedhjeve në Shqipëri, përkundrazi ai duhet të merret me çështjet e menjëhershme që prekin qytetarët e Kosovës”, ka shkruar Ben Meir në llogarinë e vet në “Facebook”.

Ndërkaq në “Twitter” ka shkruar: “Zemëruese të shohësh qindra të moshuar të grumbulluar së bashku në #Kosovë, duke pritur për orë të tëra për të marrë vaksinën e tyre # COVID19. Kjo është një pamje e qartë e dështimit të qeverisë për të trajtuar siç duhet procesin e vaksinimit. @albinkurti @VjosaOsmaniPRKS”.

It is heartbreaking to see hundreds of senior citizens crowded together in #Kosovo, waiting for hours to receive their #COVID19 vaccine. This is a clear picture of the government’s failure to handle the vaccination process properly. @albinkurti @VjosaOsmaniPRKS pic.twitter.com/rzvpoQCgxl

— AlonBenMeir (@AlonBenMeir) May 15, 2021