Familjarët e dëshmorëve në Drenas pajtohen për zhvendosjen e varrezave

25 maj 15:31

Kryetari i Komunës së Drenasit, Ramiz Lladrovci, të premten ka mbajtur takim me familjarë të dëshmorëve të kësaj komune, me të cilët ka diskutuar për zhvendosjen e varrezave të dëshmorëve në Polac në Kompleksin Memorial në Morinë të Skenderajt.

Familjarët janë pajtuar që të bëhet rivarrosja e familjarëve të tyre dhe kjo është konfirmuar edhe nëpërmjet nënshkrimeve të dhëna.

Komuna e Drenasit ka gjithsejtë 56 dëshmorë që do të rivarrosen në Kompleksin e Dëshmorëve në Morinë.

Rivarrimi i dëshmorëve të UÇK-së në Zonën Operative të Drenicës në varrezat e dëshmorëve në Kompleksin Memorial në Marinë është marrë me vendim nga kryeministri Ramush Haradinaj.

/Epoka e re/

Lajme të sponsorizuara

Të fundit
Komuna e Skenderajt në kuadër të Projektit “Shërbimet e Qëndrueshme…