Federata e Arteve Mikse Marciale organizon Kampionatin e Kosovës në MMA
Federata e Arteve Mikse Marciale e Kosovës (FAMMK) ka konfirmuar zyrtarisht mbajtjen e Kampionatit të Kosovës në MMA për kualifikime në Kampionatin Botëror.
Të gjithë të interesuarit dhe dashamirët e arteve mikse marciale tani mund të bëhen pjesë e Kampionatit të Kosovës. Është vet faqja zyrtare e FAMMK-së që ka konfirmuar zyrtarisht nisjen e Kampionatit të Kosovës, i cili do të mbahet në Pejë më 27 qershor.
Fituesi i Kampionatit do të kualifikohet për Kampionatin Botëror që mbahet në Sofje të Bullgarisë. Kampionati i Kosovës është i hapur për të gjitha moshat. FAMMK gjithashtu ka kërkuar nga të gjithë ata që do të marrin pjesë në turne të dërgojnë një e-mail në [email protected] dhe të tregojnë sa pjesëmarrës do të marrin pjesë dhe emrin e palestrës së bashku me emrin e trajnerit.
Më pas të gjithë të interesuarit do të marrin nga një formular regjistrimi të cilin më pas do të plotësojnë dhe ta kthejnë prapë.