Golden Eagle Ylli ka shënuar fitore ndaj Teutës me rezultat 73:59 (18:16, 16:15, 20:14, 19:14), në ndeshjen e mbetur të xhiros së dhjetë në Ligën Unike.

Fillimi i ndeshjes ishte i barabartë, ku asnjëra skuadër nuk arrinte shkëputjen e madhe, derisa epërsia më e lartë u takoi vendasve 18:13, derisa çereku i parë përfundon 18:16. Mysafirët e nisën më mirë periudhën e dytë, duke shkrirë epërsinë, për ta shndërruar atë në të mirë të tyre, 18:23, e më pas zhvillohet lojë me kthesa, ku herë njëra skuadër kalonte në epërsi e herë tjetra, ndërsa pjesa e parë përfundoi 34:31.

Kampionët filluan të tregojnë fuqinë e tyre në periodën e tretë, ku me kalimin e minutave rritën epërsinë, kurse rezultati në semafor pas 30 minutash ishte 54:45. Në dhjetë minutat e fundit, sërish vendasit ishin më të mirë, duke triumfuar në fund 73:59, për tu rikthyer në vendin e parë. Therandasit kanë dhjetë fitore e një humbje, kurse durrësakët gjashtë fitore e pesë humbje.

Te Ylli u dalluan Erjon Kastrati me 17 pikë dhe Malcolm Grant me 16, kurse te Teuta, Tamas Bruce realizoi 13 pikë.