Sonte me fillim nga ora 21:00 stadiumi “Wanda Metropolitano” do të jetë nikoqir i derbit mes Atletico Madridit dhe Interit, e vlefshme kjo për ndeshjen e kthimit të fazës së 1/16-ës së Ligës së Kampionëve.

Në ndeshjen që u zhvillua në “Giuseppe Meazza”, Interi e mposhti Atleticon me rezultat minimal 1:0, falë golit të shënuar nga Marco Arnautoviq në minutën e 79’. Fakt interesant është që në gjashtë nga nëntë ndeshjet e fundit të Atleticos në Ligën e Kampionëve goli i parë është shënuar brenda dhjetë minutave të para.

Sa i përket përballjes së sotme, te Atletico do të mungojnë Gimenez, Lemar dhe Vitolo, kurse te Interi nuk do të paraqiten Arnautovic, Augusto, Cuadrado dhe Sensi.

Formacionet e mundshme:

Atletico Madrid (5-3-2): Oblak; Molina, Saviq, Witsel, Hermoso, Lino; Saul, De Paul, Koke; Depay, Morata.

Inter (3-5-2): Sommer; Pavard, De Vrij, Bastoni; Darmian, Barella, Calhanoglu, Mkhitaryan, Dimarco; Thuram, Martinez.