Formohet edhe një federatë sportive

26 mars 2019 | 11:28

Ministri i Kulturës, Rinisë dhe Sportit, Kujtim Gashi, ka pritur në takim Jeton Nebiun, kryetari i federatës më të re që u themelua në Kosovë, Federatës së Badmintonit.

Me këtë rast, kjo federatë u pajis me licencë nga Ministria e Kulturës, Rinisë dhe Sportit dhe njëherësh mes Federatës dhe MKRS-së u nënshkrua edhe një memorandum bashkëpunimi për përkrahje financiare.

Sipas memorandumit të nënshkruar, Federata e Badmintonit të Kosovës, mbështetet financiarisht me 35 mijë euro. Mjetet financiare të pranuara, Federata do t’i shfrytëzojë për realizimin e politikave programore për vitin 2019 për promovimin dhe avancimin e sportit të badmintonit.

Me këtë rast, ministri Gashi ka thënë se puna e tij për avancimin e sportit dhe krijimin e federatave të reja të nevojshme për të rinjtë e vendit nuk do të ndalet me kaq.

“Licencimi i Federatës së Badmintonit tregon edhe një herë përkushtimin tonë për sportin në vend dhe theksoj se është obligim i yni që t’i përkrahim financiarisht federatat dhe sportistët në vend. Nënshkrimi i këtij memorandumi vjen pas licencimit të kësaj federate të cilës i urojmë suksese dhe të cilën e garantojmë se do të jemi gjithmonë në mbështetje për avancimin e këtij sporti të ri në vendin tonë”, ka deklaruar ministri Gashi.

Ndërkaq, kryetari Jeton Nebiu e falënderoi ministrin Gashi për licencimin e Federatës dhe po ashtu edhe për nënshkrimin e memorandumit duke e cilësuar si shumë të nevojshme përkrahjen financiare nga ana e Ministrisë. Ai po ashtu bëri me dije se kjo federatë do të punoj në vazhdimësi në promovimin e këtij sporti të ri dhe angazhimin e sa më shumë talenteve të rinj në këtë sport.

Fjalët Kyçe:

Lajme të sponsorizuara

Të fundit
Kohët e fundit ajo u kthye përsëri në Nju Jork…