Rreth 1,000 kondicionerë do të dorëzohen në spitalet në të gjithë rajonin e Parisit deri në fund të javës, ndërsa Franca përgatitet për një valë tjetër të tw nxehtit, raportoi të premten transmetuesi BFM TV.

Vendimi erdhi pasi qeveria franceze njoftoi se kishte porositur 30,000 kondicionerë për spitalet në të gjithë vendin për t’i ndihmuar ata të përballojnë valët e ardhshme të të nxehtit, shkruan Anadolu, transmeton klankosova.tv.

Spitalet në zonën e Parisit kanë filluar tashmë të blejnë njësi shtesë ndërsa presin dërgesat e qeverisë.

“Mendoj se është shumë e rëndësishme dhe vërtet e nevojshme të kalojmë një valë të dytë të të nxehtit, veçanërisht nëse vjen në një periudhë të shkurtër kohore”, tha për BFM TV Emmanuel Raffoux, kreu i departamentit të hematologjisë në Spitalin Saint-Louis.

“Trupat tanë kanë vuajtur; ata po përpiqen të shërohen pak, dhe për pacientët këtu, ata ka të ngjarë të përjetojnë një valë të dytë të të nxehtit gjatë të njëjtit qëndrim në spital”, shtoi ai.

Temperaturat në disa dhoma spitalore arritën deri në 32 gradë Celsius gjatë valës së të nxehtit javën e kaluar, duke i shtyrë spitalet publike të Parisit të blinin urgjentisht pajisje shtesë për kondicionimin e ajrit.