Batalioni i dytë i Brigadës për Reagim të Shpejtë i Forcës së Sigurisë së Kosovës (FSK), në muajin qershor do ta mbajë ushtrimin fushor “Ujku 02/19”, në bashkëpunim me strukturat e sigurisë së komunës së Rahovecit.

Në një konferencë për medie, nënkolonel Astrit Haliti, komandant i batalionit të dytë, ka bërë me dije se ushtrimi fushor “Ujku 02/19” për herë të parë do mbahet në Rahovec, duke përfshirë Policinë e Kosovës, zjarrfikësit dhe agjenci të tjera.

Ndërsa, kryetari i Rahoveci,  Smajl Latifi, ka ofruar mbështetjen të plotë që ky ushtrim të jetë sa më suksesshëm.