Futbollistët nga Uruguai dhe Salvadori përforcojnë Lirinë

29 janar 2019 | 17:43

KF Liria është përforcuar me dy futbollistë të huaj. Përmes faqes zyrtare në “Facebook”, Liria ka bërë me dije se është përforcuar me mesfushorin e majtë nga Uruguai, Martins Pio, si dhe me qendërmbrojtësin Riascos Jhonny nga Salvadori.

“Në kuadër të përgatitjeve për edicionin pranveror, sot (e martë) Liria ka prezantuar dy transferimet e reja. Ata janë: Martins Aristegui Maickol Pio me origjinë nga Uruguai, që luan mesfushor i majtë dhe që vjen nga Al-Nabi Sheet Club nga Libani dhe Riascos Jhonny, qendërmbrojtës që vjen nga klubi Deportivo Dragon nga Salvadori”, thuhet në njoftimin e Lirisë.

Prezantimin e bënë anëtarët e Bordit të klubit, Nuredin Qollaku dhe Besim Xhambazi. “Përvoja e tyre e madhe, prej nga vijnë, do t’i ndihmojë ekipit. Presim edhe dy ardhje të reja, në ndërkohë që të plotësohemi si skuadër”, ka thënë për faqen e klubit, trajneri Vincenzo Alberto Annese. Një ditë më parë “bardhezinjtë” prezantuan edhe dy futbollistët e ardhur nga Venezuela, mesfushorët: Ramirez Valdivia Guillermo Abel, i ardhur nga klubi Margarita FC dhe Jimenez Vivas Luis Manuel nga klubi Gran Valencia FC.

Fjalët Kyçe:

Lajme të sponsorizuara

Të fundit
Fetnete Ramosaj     Përderisa gjatë dekadës së fundit të shekullit XX,…