Futbollisti shqiptar ia shpëton jetën kundërshtarit

06 nëntor 13:06

Mesfushori i kombëtares shqiptare, Kamer Qaka ka bërë një heroizëm në ndeshjen e fundit ndaj Universitatea Kraiova në kampionatin rumun.

Ai i ka shpëtuar jetën kundërshtarit, i cili mbeti i shtrirë në tokë pas një përplasje në fushën e lojës. Valentin Mihaila, mbeti pa ndjenja në fushë pas një goditje në nofull, ndërsa Qaka jo vetëm ishte i pari që reagoi duke thirrur mjekët të ndërhynin, por edhe shkoi me shpejtësi te 18-vjeçari dhe e ktheu me shpejtësi në krah.

Një lëvizje e tillë është e këshillueshme në raste të tilla pasi ndihmon në lirimin e frymëmarrjes e cilësohet si vendimtare në rastet e para dhe Qaka veproi para mbërritjes së mjekëve pranë lojtarit të shtrirë pa ndjenja. Për fat të mirë, Mihaila u dërgua në spital dhe gjendja e tij është stabilizuar. Ndaj me siguri Qaka ka dalë i lumtur nga fusha e lojës edhe pse ekipi i tij u mund me shifrat 3-0. Në jetë ka gjëra më të rëndësishme se një ndeshje futbolli.

 

 

Fjalët Kyçe:

Lajme të sponsorizuara

Të fundit
Trajneri i Barcelonës, Ernesto Valverde, nuk ka treguar saktë se…