Gazi lotësjellës në Kuvend kishte qëllim mbrojtjen e sovranitetit dhe integritetin e republikës
Ish-deputetja e Kuvendit të Kosovës, Donika Kadaj-Bujupi ka thënë se gazi lotësjellës në Kuvend nuk ishte kundër Kosovës, por ishte për ta mbrojtur atë nga Zajednica.
Ajo përmes një postimi në llogarinë e saj në “Facebook”, ka shkruar se gazi lotësjellës nuk ishte kundër njerëzve, ishte për t’i mbrojtur qytetarët nga pabarazia që krijohej me Zajednicen.
“Gazin nuk e kishim kundër institucioneve – ishte pikërisht për ta mbrojtur sovranitetin dhe integritetin e Republikës.
Prandaj, edhe dënimi ishte me kusht. Sepse metoda ishte jokonvencionale, por qëllimi ishte politik. Moslejimin e kandidimit të kujtdo që është angazhuar me vetemohim për mbrojtjen e Republikës, e kam të vështirë ta kuptoj si mbrojtje e integritetit të institucionit. Në fakt është krejt e pakuptimtë”, ka shkruar Kadaj-Bujupi.