“EK Consulting” në bashkëpunim me “BL Safety Solutions” ka përfunduar me sukses trajnimin “Siguria dhe shëndeti në punë”.

Trajnimi u vlerësua lartë nga bizneset pjesëmarrëse dhe u cilësua si i nevojshëm dhe aktual për nevojat e sektorit privat në Kosovë, si në aspektin intern ashtu edhe atë ndërkombëtar.

Safet Gërxhaliu ka shkruar në “Facebook” se qëllimi i trajnimit ishte rritja e përgjegjësisë dhe sigurisë në vendin e punës në funksion të përmbushjes së kërkesave ligjore dhe rritjes së efikasitetit në organizatë.

“Rekomandimet e pjesëmarrësve ishin shumë të vlefshme dhe tregonin interes për avancimin e partneritetit me ‘EK Consulting’ në dobi të rritjes së kapaciteteve të sektorit privat dhe ndërkombëtarizimit të ekonomisë vendore”, ka shkruar Gërxhaliu.