Gjendet një person i vdekur në veri të Mitrovicës
22 nëntor 2020
| 21:58
Një person pa shenja jete është gjetur para pak minutash në veri të Mitrovicës.
Trupi i pajetë i personit, identiteti i të cilit ende nuk dihet, është gjetur afër pompës së benzinës në Lagjen e Boshnjakëve, ndërkohë që policia ka dalë menjëherë në vendin e ngjarjes.
Lajmin e ka konfirmuar zëdhënësi i policisë për rajonin e veriut, Branisllav Radoviq.
“Një person është gjetur pa shenja jete para pak minutash” ka thënë Radoviq.
Ai nuk ka dhënë detaje shtesë, duke thënë se hetuesit policorë janë duke zhvilluar hetimet.
