Besë Bytyçi, drejtoresh për Mbrojtje she Shpëtim në komunën e Rahovecit ka bërë me dije se gjendja në këtë komunë pas reshjeve të shiut dhe erërave është stabile.

Sipas saj, nuk ka vërshime në këtë komunë.

“Pas shiut të rrëmbyeshëm dhe erërave të fuqishme, ka pasur disa dëmtime në infrastrukturë publike, por situata vazhdon të jetë e qetë dhe e menaxhueshme. Ekipet e Komunës së Rahovecit janë akoma në terren dhe në dispozicion të qytetarëve. Ne po e përcjellim me vëmendje situatën dhe jemi të gatshëm për çdo intervenim në rast nevoje”, ka shkruar ajo në “Facebook”.