Gjeorgjia zgjedh gruan e parë presidente

29 nëntor 11:56

Salome Zurabishvili ka fituar zgjedhjet presidenciale të Gjeorgjisë, duke u bërë gruaja e parë në këtë vend që do të udhëheqë zyrën e të parit të shtetit.

Me të gjitha votat e numëruara, ish-diplomatja ka siguruar 59 për qind të tyre, ndërsa rivali i saj, Grigol Vashadze ka marrë 40 për qind të votave, ka njoftuar Komisioni Qendror i Zgjedhjeve në Tbilisi.

Zurabishvili është mbështetur nga partia në pushtet Ëndrra Gjeorgjiane, ndërsa Vashadze ka qenë kandidat i opozitës së bashkuar.

Zurabishvili, 66 vjeçe, ka lindur në Francë, pasi prindërit e saj kanë ikur nga Gjeorgjia në vitin 1921, pas aneksimit të saj nga forcat sovjetike.

Zurabishvili ka thënë se favorizon balancimin e marrëdhënieve të Gjeorgjisë me Rusinë dhe Perëndimin.

Kushtetuta e re e Gjeorgjisë pritet të hyjë në fuqi dhe ajo do ta bëjë rolin e presidentit kryesisht ceremonial.

Lajme të sponsorizuara

Të fundit
Skuadra e Arsenalit, ku luajnë shqiptarët Granit Xhaka dhe Shkodran…