Drama për hyrjen e teniserit Novak Gjokoviq në Australi po vazhdon.

Teniseri serb ka udhëtuar drejt Australisë për të marrë pjesë në turneun Australia Open.

Në aplikimin e tij për vizë është bërë një gabim, prandaj Gjokoviq po merret në pyetje aktualisht nga doganierët në aeroportin e Melburnit.

Disa media australiane shkojnë edhe më tej duke shkruar se teniseri më i mirë në botë mund të përfundojë në paraburgim.

“Një burim na tha se Gjokoviq mund të dërgohet në paraburgimin e emigracionit”, shkruan “Herald Sun”.

Gjokoviq po ruhet nga dy policë dhe aktualisht është akomoduar në një dhomë në aeroportin e Melburnit dhe askush nuk mund të hyjë në të, ka konfirmuar për B92 babai i tij Srdjan.