Tenisti Novak Gjokoviq duhet se do të mungojë në “Indian Wells dhe Miami Open” përsëri pasi Shtetet e Bashkuara të Amerikës kanë vazhduar masat kundër Covid-19.

Një nga masat është thënë se asnjë i huaj nuk mund të hyjë në territorin amerikan pa qenë i vaksinuar, raporton “Eurosport”.

Derisa shumë vende mbarë botës kanë lehtësuar masat, ShBA ka konfirmuar se dëshmia e vaksinimit do të kërkohet deri më 10 prill.

Serbi ka refuzuar që të vaksinohet, për çfarë ka humbur dy “Grand Slam” më 2022 – “Australian Open” dhe “US Open”. Gjithashtu ai ishte i detyruar që të lë anash edhe katër master, tre në Amerikë dhe një në Kanada.

Sivjet, “Indian Wells” nis më 6 mars, derisa “Miami Open” më 20 dhe nëse Gjokoviqi nuk vaksinohet nuk do të mund të marrë pjesë në asnjërin.