Gjykimi ndaj Mustafës në Hagë, sot paraqitet dëshmitari i katërt

12 tetor 2021 | 08:11

Në Dhomat e Specializuara të Kosovës (DhSK) në Hagë, sot (më 12 tetor) fillon dëgjimi i dëshmitarit të katërt në rastin ku ish-pjesëtari i Ushtrisë Çlirimtare të Kosovës (UÇK), Salih Mustafa, akuzohet për krime lufte.

Gjykimi ndaj Salih Mustafës ka filluar më 15 shtator 2021, gjatë së cilës seancës Mustafa është deklaruar i pafajshëm për akuzat që i vihen në barrë nga prokuroria, raporton “Betimi për Drejtësi”.

Në këtë rast, deri më tani janë dëgjuar tre dëshmitarë të mbrojtur, gjatë dëshmive të së cilëve, në mënyrë që të njëjtit të mos mund të identifikohen, pamjet janë bërë të turbullta dhe zëri u është modifikuar.

Ndryshe, aktakuza ndaj ish-pjesëtarit të UÇK-së është konfirmuar më 12 qershor 2020.

“Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave. Gjithashtu, në aktakuzë thuhet se në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”, ka njoftuar Gjykata Speciale përmes një komunikate.

Bëhet e ditur se në aktakuzën e konfirmuar, Salih Mustafa akuzohet në kuadër të formave të ndryshme të përgjegjësisë penale, për: ndalim arbitrar, trajtim mizor, torturë dhe vrasje të paligjshme si krime lufte të kryera në kontekstin e konfliktit të armatosur jo ndërkombëtar në Kosovë, ose në lidhje me atë konflikt.

Lajme të sponsorizuara

Të fundit
Sekretari i Përgjithshëm i Kombeve të Bashkuara, Antonio Guterres ka…