Nënkryetari i Kuvendit të Kosovës, Xhavit Haliti, ka shprehur ngushëllime me rastin e ndarjes nga jeta të ish-ministrit të Mbrojtes së Shqipërisë, Luan Hajdaraga.

Ky është telegrami i plotë:

Telegram ngushëllimi

I nderuar President i Republikës së Shqipërisë, z. Ilir Meta
I nderuar Kryetar i Kuvendit të Shqipërisë, z. Gramoz Ruçi
I nderuar Kryeministër i Qeverisë së Shqipërisë, z. Edi Rama
E nderuar familje Hajdaraga

Ndjehem i pikëlluar thellë nga vdekja e mikut tim, ish-deputetit, ish-nënkryetarit të PS-së, ish- ministrit të Mbrojtjës së Shqipërisë, Luan Hajdaraga.

Ministri Hajdaraga dha kontribut të vlershëm në emër të shtetit shqiptar për çlirimin e Kosovës.

Është e rëndë për Kombin kur humb një njeri me vlera të rralla siç ishte ministri Hajdaraga.

Me këtë rast ju lutem të pranoni ngushëllimet e mia të sinqerta.

Prishtinë, 30 korrik 2018

Xhavit Haliti
Nënkryetar i Kuvendit të Kosovës