Hamza u premton banorëve të Bairit çerdhe, shteg biçikletash, ndriçim dhe infrastrukturë

19 shtator 22:30

Kandidati i PDK-së për kryetar të Mitrovicës, Bedri Hamza, sonte ka takuar banorët e lagjes Bair të Mitrovicës.

Ai u ka premtuar atyre ndërtimin e shtegut të biçikletave, rregullimin e ndriçimit publik, përmirësimin e infrastrukturës rrugore dhe një çerdhe për fëmijë në pjesën e epërme të lagjes Bair.

“Një takim shumë miqësor me banorët e lagjes Bair, ku bashkëbiseduam për problemet dhe brengat e tyre. Në këtë pjesë të Mitrovicës do ta ndërtojmë shtegun e biçikletave dhe do ta rregullojmë ndriçimin publik gjithandej lagjes, duke përmirësuar njëherësh edhe infrastrukturën rrugore.

Në pjesën e epërme të lagjes Bair do ta ndërtojmë edhe një çerdhe, e cila do të shërbejë si shtëpi e dytë për fëmijët e vegjël, deri sa prindërit ta përfundojnë orarin e tyre të punës.

Qyteti i Mitrovicës, çdo lagje dhe fshat i saj, meriton kujdes më të madh nga qeverisja komunale. Bashkë për një jetë më të mirë. Bashkë për Mitrovicën!”, ka shkruar Hamza.

Lajme të sponsorizuara

Të fundit
Bashkimi ka shënuar fitore në udhëtim ndaj Golden Eagle Yllit…