Haradinaj për demarkacionin: Po bëjmë përpjekje që të jemi unik

28 shkurt 11:37

Kryeministri i Kosovës, Ramush Haradinaj, ka bërë me dije se janë duke punuar për t’i arritur votat e nevojshme për ta ratifikuar marrëveshjen e demarkacionit me Malin e Zi.

“Jemi në seancë, jemi në punë e sipër që të jemi unik. Pra po bëjmë përpjekje që të kemi numrin e nevojshëm për ta votuar”, ka thënë Haradinaj.

Sa i përket votave të deputetëve të Listës Serbe, Haradinaj ka thënë se deputetët e këtij subjekti politik janë në ndërtesën e Kuvendit dhe pritet që të marrin pjesë në seancë.

Ai ka treguar se tani Kuvendi i Kosovës ka shkuar në pauzë, në mënyrë që anëtarët e Komisionit Parlamentar për Punë të Jashtme ta procedojnë në Kuvend draft-ligjin për demarkacion, i cili përmban edhe dakordimin që koalicioni qeverisës ka arritur me LDK-në për ta votuar këtë marrëveshje.

Lajme të sponsorizuara

Të fundit
Me një minutë heshtje ka filluar seanca e sotme e…