Kryeministri në dorëheqje, Ramush Haradinaj, ka takuar sot ambasadorin italian në Kosovë, Piero Cristoforo Sardi, me të cilin ka diskutuar më vazhdimin e partneritetit në mes të dy vendeve edhe në proceset e rëndësishme që e presin Kosovën.

Në profilin e tij në “Facebook”, Haradinaj ka shkruar se e ka siguruar diplomatin italian se pjekuria e institucioneve të Kosovës do të vazhdoj në temat e rëndësishme, siç është dialogu, rruga euro-atlantike dhe fuqizimi i brendshëm i vendit.

“Italia ndër vite ka treguar kujdes dhe mbështetje të veçantë për vendin dhe ky partneritet duhet të vazhdoj edhe në procese të rëndësishme për Kosovën, siç është liberalizimi i vizave, si një e drejtë e popullit tonë. Në takim të rregullt me Ambasadorin Italian Piero Cristoforo Sardi, theksova se Kosova ka treguar pjekuri të lartë politike dhe demokratike me procesin e ri të zgjedhjeve dhe se përkushtimi institucional do të vazhdojë në temat e rëndësishme, siç është dialogu, rruga euro-atlantike dhe fuqizimi i brendshëm i vendit”, ka shkruar Haradinaj.

/Epoka e re/