Haradinaj: Taksa është komponentë e shtet-bërjes, s’është votë

17 korrik 2019 | 20:52

Dega e Aleancës për Ardhmërinë e Kosovës në Vushtrri sot ka mbajtur Kuvendin e tetë zgjedhor, ku me këtë rast ka zgjedhur kryetarin dhe Këshillin e ri drejtues.

I pranishëm në këtë Kuvend Zgjedhor ishte edhe kryetari i Aleancës për Ardhmërinë e Kosovës, njëherësh kryeministër i Kosovës Ramush Haradinaj.

Ai me këtë rast uroi të pranishmit në këtë kuvend zgjedhor duke thënë se nga ky takim të gjithë dalin fitues.

“Një kuvend zgjedhor si ky, një takim si ky është reflektim për punën tonë të deritanishme dhe dua të falënderoj të gjithë anëtarët që nga viti 2000. Nga ky proces askush nuk del humbës, të gjithë fitojnë”, u shpreh Haradinaj.

Ai sërish s’ka lënë pa përmendur vendosjen e taksës ndaj mallrave serbe dhe dialogun me Serbinë.

Sipas tij, guxim ka qenë edhe formimi i ushtrisë edhe vendosja e taksës ndaj Serbisë edhe parandalimi i ndarjes së Kosovës.

“Krijimi i ushtrisë së Kosovës ka qenë i guximshëm. Guxim ka qenë për t’i thënë stop kur janë mobilizuar për të ndarë Kosovën. Guxim ka qenë kalimi i ligjit për “Trepçën”, në Qeveri dhe Parlament. Guxim është t’i thuhet sot Serbisë që s’mund të na e rrezikosh ekzistencën tonë. Taksa është shtet, nëse s’mundesh për të mbajtur taksën deri në njohje, nuk do të marrim njohjen reciproke të dy shteteve. Është komponentë e të shtet-bërjes, nuk është votë”, ka deklaruar Haradinaj.

Lajme të sponsorizuara

Të fundit
FIBA Europe Cup ka treguar për sistemin e garave në…