Hoti do të flasë sot për takimet në Uashington dhe Bruksel
Sot është mbajtur ceremonia e përurimit të punimeve rehabilituese në sistemin e ujitjes Radoniqi-Dukagjini.
Në këtë ceremoni kanë marrë pjesë kryeministri Avdullah Hoti, ministri i Bujqësisë, Besian Mustafa dhe kryetari i Komunës së Gjakovës, Ardian Gjini.
Hoti ka thënë se është i kënaqur që sot ka përfunduar punimet rehabilituese në sistemimin e ujitjes, i cili lidh Radoniqin me Dukagjinin që është nisur para pesë vjetëve.
“Nuk ka investim më produktiv sesa investimi në bujqësi, sepse e rrit produktivitetin së paku tri herë”, ka thënë Hoti.
Kryeministri Hoti, i cili sot e ka paraqitjen e parë publike në terren pas kthimit nga Uashingtoni dhe Brukseli ka thënë se do t’iu përgjigjet të gjitha pyetjeve të gazetarëve në ora 15:00, kur edhe do të mbahet mbledhja e qeverisë.