Humbin jetën dy ushtarë amerikanë në Afganistan

20 nëntor 2019 | 11:13

Ushtria amerikane ka bërë me dije se dy prej anëtarëve të saj janë vrarë në një aksident me helikopter në Afganistan.

Përplasja e helikopterit është duke u hetuar, kanë njoftuar forcat e ShBA-së, duke shtuar se “raportet paraprake nuk tregojnë se incidenti ishte shkaktuar nga të shtënat e armikut”.

Talibanët kanë pretenduar se ata e kishin qëlluar dhe rrëzuar helikopterin, duke thënë se “të gjithë ata që ishin në bord u vranë”.

Një zëdhënës i ministrisë së Mbrojtjes, ka kundërshtuar pretendimin e talibanëve, duke thënë “nuk kishte asnjë përfshirje të zjarrit të armikut në rrëzimin e helikopterit”.

Afërsisht 13 000 trupa amerikane janë në Afganistan, si dhe mijëra forca evropiane që marrin pjesë në misionin e udhëhequr nga NATO-ja.

Lajme të sponsorizuara

Të fundit
Papa Françesku ka mbërritur në Bankok për të filluar një…