I dënuari me 23 vjet burg lirohet gabimisht, kthehet vetë në burg pas 4 ditësh
25 prill 2019
| 16:21
Një 29-vjeçar i dënuar me 23 vjet burg u lirua gabimisht nga një burg në Florida javën e kaluar, por pas katër ditëve në liri u vetëdorëzua tek autoritetet, shkruan agjencia amerikane e lajmeve Fox.
Cedrick Gant u lirua pas një ngatërrese në dokumentet e tij të burgimit. Kjo ndodhi gjatë transferimit të tij nga burgu i Lake County në burgun Brevor County. Një nëpunës në burgun Lake County i lexoi gabimisht dokumentet e Gant, duke interpretuar mbajtjen e tij në burg vetëm si formë paraburgimi.
Ky gabim lejoi që një gjykatës të lironte Gantin pasi dukej se e kishte përmbushur dënimin e tij.
Gant ishte dënuar me 23 vjet në muajin shkurt për vjedhje makinash dhe mbajtje të armëve gjysmautomatike pa leje.