I gjuajti me armë zyrtari policor, gjendja e të plagosurve në Dragash është stabile

05 mars 00:10

Gjendja e dy personave që u plagosën nga një zyrtar policor në fshatin Glloboqicë të Dragashit është stabile.

Këtë e ka konfirmuar mjeku kujdestar në Spitalin e Prizrenit, Hekuran Veçgishti, ku edhe të plagosurit janë duke u trajtuar.

“Rreth orës 17:40 në Qendrën Emergjente të Spitalit të Prizrenit janë pranuar dy të plagosur me armë zjarri. Pasi janë kryer ekzaminimet e nevojshme në Emergjencë pacientët në konsultim me kirurgun kujdestar, përkatësisht ortopedin, janë pranuar për tretman të mëtutjeshëm në spital. Trajtimi i tyre ende vazhdon në repartet përkatëse”.

“Njëri prej pacientëve i ka plagët në regjionin e barkut, derisa tjetri në regjionin e kofshës së djathtë”.

Ai ka konfirmuar se të dy të plagosurit i janë nënshtruar operimeve dhe tani janë në gjendje stabile./ KlanKosova

Lajme të sponsorizuara

Të fundit
Kryetari i Partisë Liberale Egjiptiane (PLE) Veton Berisha nesër do…