Icardi ëndërron botërorin

27 prill 2018 | 12:02

Mauro Icardi është në vitin e tij të dytë si kapiten i Interit dhe ndihet gjithnjë edhe më i sigurt që ai është lider i kësaj skuadre dhe nuk e sheh vetën larg Interit.

“Prej kohësh Interi është skuadra ime. Ky është motivi që e ndiej nevojën se duhet të vazhdoj këtu edhe për pak kohë. Jam i përqendruar tek objektivat e skuadrës sime, ndërsa të ardhmen askush nuk mund ta parashikojë. E tashmja ime është këtu, ku kam shtëpinë, miqtë, një jetë”, deklaroi në një intervistë për të përditshmen argjentinase “Ole”, kapiteni i Intetit, Mauro Icardi.

Pak ditë më parë argjentinasi festoi realizimin e 100 golave në Serinë A me Interin: “Jam i lumtur që jam bërë pjesë e historisë së Interit. Një krenari për mua që nuk e kisha imagjinuar. Nuk është e lehtë të arrish këto shifra në Itali, por më duhet t’i falënderoj të gjithë shokët e skuadrës që ma bënë të mundur këtë”. Në fund Icardi foli edhe për ekipin kombëtar të Argjentinës dhe finalet e kampionatit botëror. “Jam 25-vjeçar dhe kapiten i Interit. Ëndrra ime është të shkoj në Botëror dhe e kam këtë bindje. Nëse jo këtë herë do, të ndodhë në të ardhmen”, ka deklaruar Icardi.

Fjalët Kyçe:

Lajme të sponsorizuara

Të fundit
Presidenti i Republikës së Kosovës, Hashim Thaçi, të premten ka…