Ilazi: Viti 2020, vit i kompletimit të infrastrukturës rrugore

08 dhjetor 14:02

Kryetari i Komunës së Kaçanikut, Besim Ilazi së bashku me bashkëpunëtorë komunalë, ka vizituar nga afër punimet përfundimtare që po realizohen në projektin “Ndërtimi i trotuarit në Lagjen Topall- Soponicë”.

Kryetari Ilazi ka thënë se projekte të tilla po mundësojnë krijimin e kushteve më të sigurta për këmbësorë, sidomos për fëmijë që kalojnë në këtë pjesë për vijim të shkollës.

Ai ka thënë se viti 2020 është vit i kompletimit të infrastrukturës rrugore edhe me trotuare.

Trotuari në lagjen Topalli-Sponicë ka një gjatësi 870 metra. Kostoja e projektit është 22,767.53 euro.

Krahas punimit të trotuarit janë duke u punuar edhe bazamentet e ndriçimit publik.

Këtë vit janë investuar mijëra euro në rregullimin e trotuareve në hapësira të frekuentuara e në zona që kanë paraqitur rrezik për këmbësorë.

(Q.R / Epoka e re)

Lajme të sponsorizuara

Të fundit
Kryetari i Komunës së Lipajnit, Imri Ahmeti, ka vizituar Qendrën…