Ish-kandidati i PDK-së për kryetar të Fushë Kosovës i bashkohet AAK-së

04 tetor 2019 | 14:55

Ish-kandidati i PDK-së për kryetar të Komunës së Fushës Kosovës, Adem Zogjani i është bashkuar sot Aleancës për Ardhmërinë e Kosovës (AAK).

Lajmin e ka bërë me lideri i kësaj partie, Ramush Haradinaj, i cili, ka thënë se Adem Zogjani i është bashkuar vizionit 100 për qind shtet.

“Nder i veçantë, të marrë përkrahje nga profesori universitar Adem Zogjani, për vizionin tonë, për Kosovën 100 për qind shtet. Adem Zogjani, nga familje që dha dëshmorë për lirinë e Kosovës, u angazhua prej dekadash për zhvillimin e arsimit në vend, demokracisë dhe vlerave tona si shoqëri. Sot, ai po e mbështet vizionin e Aleancës për fuqizimin e Kosovës, shtet të denjë për qytetarët tanë, të fortë në ekonomi, në politikë dhe në aleancë të përhershme me partnerët strategjik”, ka shkruar Haradinaj në llogarinë e vet në “Facebook”.

/Epoka e re/

Image may contain: 4 people, living room and indoor

Lajme të sponsorizuara

Të fundit
Një prej figurave më të talentuara të Partisë Konservatore të…