Ismaili tregon pse PDK-ja ende nuk ka mundur ta fitojë Prishtinën

05 prill 2019 | 22:56

Ministri i Shëndetësisë njëherësh nënkryetar i PDK-së, Uran Ismaili, ka thënë se opozita gjithmonë e ka përdorur Prishtinën duke dëmtuar atë në aspektin e zhvillimit.

Ismaili, në “Debat Plus” me Ermal Pandurin në RTV Dukagjini, ka treguar pse Prishtina deri më tani ka refuzuar PDK-në.

“Prishtina deri më tani është përdorur si një lloj tamponi opozitar kundër PDK-së. Është përdorur edhe nga LDK-ja por më pas edhe nga Vetëvendosje. Në të dy rastet e kanë përdorur Prishtinën si një lloj opozite që e kanë dëmtuar zhvillimin e saj ekonomik”, ka thene Ismaili.

Nënkryetar i PDK-së ka thënë se gjithë kjo qasja e këtyre dy partive e këna dëmtuar rëndë qytetin. “Shpesh herë kryetarët e Prishtinës nuk kanë vizituar asnjë ministër dhe nuk kanë kërkuar asnjë ndihmë, gjersa kryetarët e komunave tjera gati sa i kanë “thyer” dyert e ministrive për të përfituar diçka. Pra ata të Prishtinës i kanë bërë dëm qytetit të vet…Ata votat i kanë fituar për të realizuar diçka, jo për të bërë opozitën ndaj PDK-së”, ka shtuar ai.

Ismaili thotë se tash gjërat kanë ndryshuar për të mirë dhe se ai si ministër ka bashkëpunim me Shpend Ahmetin si kryetar i Prishtinës.

“Unë si asamblist i PDK-së në Prishtinë kam votuar edhe buxhetin e Prishtinës, sepse kam konsideruar se nuk dua të jem pjesë e bllokadave për Prishtinën. Nuk kam vënë ndonjë kusht, vetëm kam votuar buxhetin e Prishtinës”, ka deklaruar ndër të tjera Uran Ismaili.

Fjalët Kyçe:

Lajme të sponsorizuara

Të fundit
Aleanca e NATO-s ka 70 vite që bën stërvitje të…