Ja çfarë bën Trumpi në ditën e parë pas largimit nga Shtëpia e Bardhë

22 janar 14:59

Në ditën e tij të parë pas largimit nga Shtëpia e Bardhë, Donald Trump iu kthye pasionit të tij të vjetër: golfit.

Ish presidenti republikan u shfaq i relaksuar në resortin e Floridas.

Teksa Joe Biden e kaloi mbrëmjen e parë në Zyrën Ovale duke parë spektaklin e fishekzjarrëve e duke firmosur urdhra ekzekutivë, fotot e postuara në “Twitter” treguan se Trump shijoi diellin dhe gjelbërimin, në dukje aspak i shqetësuar nga dorëzimi i postit.

Por ndonëse dashuria e tij për golfin njihet tashmë, ajo është kthyer edhe në një lloj strehe të tij pas disfatave të mëdha.

Trump nuk e pranoi asnjëherë humbjen në zgjedhjet presidenciale të nëntorit, e nuk mori pjesë as në inaugurimin e pasardhësit të tij.

Megjithatë, në fund nuk e shkeli traditën tre dekadëshe të udhëheqësve amerikanë në largim, duke i lënë Bidenit një letër në Zyrën Ovale.

I pyetur nga gazetarët, Presidenti Joe Biden tha se letra ishte shumë bujare, por shtoi se nuk mund ta zbulonte  përmbajtjen e saj pa biseduar paraprakisht me ish-Presidentin.

Lajme të sponsorizuara

Të fundit
Zyra për Certifikim në Komisionin Qendror të Zgjedhjeve (KQZ) ka…