Jakup Krasniqi tregon pse e refuzoi dekoratën e Hashim Thaçit

19 shkurt 2018 | 21:04

Ish-kryetari i Kuvendi të Kosovës, Jakup Krasniqi, ka folur për 10-vjetorin e shtetit dhe refuzimin e dekoratës të ndarë nga ana e Presidentit Hashim Thaçi. Ai ka treguar edhe pse ka refuzuar dekoratën nga Presidenti Thaçi, duke thënë se në të ka edhe arsye personale.

“Nuk them që nuk ka diçka personale, por dua të them që janë dy apo tri momente që u është dashur t’i kaloj në interes të Kosovës. Një prej arsyeve ka qenë edhe afera Pronto, sepse ka qenë në publik, ku më mirë të ma kishin thënë në sy, ku për këtë janë organet e Partisë” ka deklaruar Krasniqi në emisionin “Personale” në “RTV Dukagjini”.

“Nuk ka kritere për dhënien e dekoratës. Duhet të ketë një komision për caktimin e kritereve dhe të ketë arsyeshmëri”, ka shtuar Krasniqi.

Kryetari i Këshillit Kombëtar i partisë NISMA Socialdemokrate ka thënë se nga data 17 shkurt 2008 Kosova e ka adresën e vet dhe prej aty kanë filluar ndërtimet e institucioneve të pavarura të shtetit që asnjëherë Kosova dhe këto janë të arritura të mëdha.

“Gjatë këtyre viteve ka pasur ndryshime, ashtu si në fushën e infrastrukturës dhe arsimit, por që kemi mundur të bëjmë më shumë për zhvillimin ekonomik dhe ashtu për sistemin e drejtësisë. Mungesa e saj e ka lënë Kosovën të izoluar në luftimin e krimit ekonomik”, ka vlerësuar Krasniqi.

Lajme të sponsorizuara

Të fundit
Për çdo përvjetor të pavarësisë premtimet e liderëve kosovarë nuk…