Drejtori i Qendrës për Politikat e Sigurisë në Pragë, Jakub Janda, i ka kushtuar vëmendje të veçantë zhvillimeve të djeshme në Mal të Zi. Ai ka thënë se Bashkimi Evropian duhet ta kushtëzojë Serbinë me ndalimin e financimit në mënyrë që Beogradi ta ndalojë destabilizimin e Malit të Zi.

Janda, ceremoninë e djeshme për shugurimin e kreut të ri të Kishës Ortodokse Serbe në Cetinje të Malit të Zi e ka cilësuar luftë gjeopolitike për interesat e BE-së dhe NATO-s në rajon.

“Udhëheqësit e BE-së duhet t’i thonë Serbisë: Nëse i doni paratë tona, duhet ta ndaloni destabilizimin e Malit të Zi tani. Kjo është luftë gjeopolitike për interesat e BE-së/NATO-s në rajon, ndërsa Rusia është mbrojtësja e Serbisë e cila e do destabilizimin e vendeve anëtare të NATO-s”.

“Mali i Zi është aleat i NATO -s. Serbia vepron si aleate e Rusisë dhe Kinës, të dyja organizojnë aksione armiqësore kundër kombeve të NATO-s. Për sa kohë që Serbia i ndihmon armiqtë tanë, duhet të trajtohet si përfaqësuesja i tyre. Financimi masiv i BE-së për Serbinë duhet të vazhdojë vetëm nëse Serbia e ndalon këtë”, ka shkruar Jada në llogarinë e vet në “Twitter”

Ai ka kujtuar se Rusia përmes Serbisë kishte dashur ta rrëzonte me dhunë Qeverinë e Malit të Zi dhe ta ndalonte anëtarësimin e tij në NATO.

“Rikujtim: Kur Rusia donte ta përmbyste me dhunë qeverinë e Malit të Zi dhe ta ndalonte të ardhmen e anëtarësimit të tyre në NATO, Rusia e bëri këtë nga Serbia. Serbia është terren i sigurt për agjencitë e inteligjencës ruse të përdorura për destabilizimin e vendeve të Ballkanit Perëndimor. Serbia është në rregull me to”, ka shkruar ai.

The EU leaders should tell Serbia:

If you want our money, you must stop destabilisation of Montenegro right now.

This is a geopolitical struggle for EU/NATO interests in the region, while Russia is the patron of Serbia which loves destabilisation of NATO countries.

— Jakub Janda (@_JakubJanda) September 6, 2021

Montenegro is a NATO ally.

Serbia acts as an ally of Russia and China, both organize hostile action against NATO nations.

As long as Serbia helps our enemies, it should be treated like their proxy.

The massive EU funding for Serbia should go on only if Serbia stops this.

— Jakub Janda (@_JakubJanda) September 6, 2021