Ia ka dalë në jetë vajza e Bronksit. Jennifer Lopez përgjatë viteve ka realizuar të gjitha ëndrrat e saj.

24 korriku shënon 50-vjetorin e këngëtares, aktores dhe ikonës së stilit, e cila është një grua e realizuar edhe në planin personal.

Ajo është një nënë e lumtur dhe e dashuruar me Alex Rodriguez-in e saj.

Festa? Do jetë turneu i saj, ashtu siç është shprehur vetë JLo duke e quajtur “It’s My Party Tour”.

J.Lo do festojë në Florida, gjatë kalimit nga Orlando dhe Miami.

Jenny “from the block” (e lagjes), siç e ka përcaktuar veten në këngën e vitit 2002, lindi në Bronks në vitin 1969 nga prindër me origjinë portorikane.

Pavarësisht moshës 50-vjeçare, duket se koha për të ka ndaluar, trupi i tonifikuar e i gdhendur dhe një lëkurë prej adoleshenteje.

Nënë e dy binjakëve, lindur në vitin 2008, Jenniferi duket se po përjeton edhe një përrallë dashurie me ish-lojtarin e beizbollit, Alex Rodriguez.

Marrëdhënia e tyre ka nisur në vitin 2016 dhe marsin e shkuar, gjatë pushimeve në Bahamas, ka ardhur edhe propozimi për martesë.

Çifti jeton në Miami me dy vajzat e tij dhe dy binjakët e saj.