Kadaj-Bujupi: Duhet kujdes i shtuar në politikat sociale

07 gusht 2018 | 15:24

Deputetja e Aleancës për Ardhmërinë e Kosovës (AAK), Donika Kadaj-Bujupi, ka vizituar të martën Odën e Afarizmit të Kosovës (OAK).

Përfaqësuesit e OAK-ut e kanë përshëndetur iniciativën e deputetes, Kadaj Bujupi, për projektrezolutën për shtesat e fëmijëve.

Deputetja Kadaj-Bujupi ka theksuar rëndësinë që ka aplikimi i shtesave të fëmijëve, duke filluar me nga 10 euro në muaj për fillim për fëmijë, e pastaj në të ardhmen kjo shumë pritet të rritet edhe më shumë.

Ajo ka thënë se kujdes i veçantë duhet t’i kushtohet edhe politikave sociale dhe faktit se në vendet e rajonit shtesat e fëmijëve dhe stimulimet e tjera janë të aplikueshme.

Deputetja Kadaj Bujupi ka bërë me dije se kanë bërë hulumtim lidhur me koston e këtij propozimi, e cila do të jetë rreth 80 milionë euro nga buxheti shtetëror.

Sipas saj kjo kosto është e përballueshme për faktin se investimet kapitale në infrastrukturë janë pothuajse drejt finalizimit.
Kadaj-Bujupi ka përshëndetur edhe rekomandimet që OAK-u ka përgatitur për ligjin e punës, duke theksuar se në këtë formë stimulohet punësimi i grave në sektorin privat.

Ajo ka thënë se do ta kenë përkrahjen e grupit parlamentar të AAK-së për këtë iniciativë.

Lajme të sponsorizuara

Të fundit
Britney Spears ka shkëlqyer në Berlin. Këngëtarja tashmë 36-vjeçare ishte…