Komuna e Kamenicës është bërë me shkollë profesionale. Lajmin e ka bërë të ditur kryetari i kësaj komune, Qëndron Kastrati nëpërmjet një postimi në profilin e vet në “Facebook”.

“Tejet i lumtur që së shpejti do të nisë ndërtimi i shkollës profesionale në komunën tonë, në kampusin e shkollave të mesme. Kjo shkollë luan rol të veçantë në orientimin e nxënësve në karrierë dhe ne vazhdimisht po angazhohemi që fëmijët e Kamenicës të kenë mundësi të barabarta me vendet e tjera”, ka shkruar Kastrati, raporton “Epoka e re”.

Postimi i plotë i Kastratit:

Lajm fantastik për komunën tonë. Kamenica bëhet me shkollë profesionale!

Tejet i lumtur që së shpejti do të nisë ndërtimi i shkollës profesionale në komunën tonë, në kampusin e shkollave të mesme.

Kjo shkollë luan rol të veçantë në orientimin e nxënësve në karrierë dhe ne vazhdimisht po angazhohemi që fëmijët e Kamenicës të kenë mundësi të barabarta me vendet e tjera.

Urime!