KEDS-i ndërton linjën e re mbi 60 km në Gjakovë, përfitojnë rreth 10 mijë qytetarë

31 mars 2023 | 11:02

Dalja e Cermjanit që derivon nga qendra e qytetit të Gjakovës e shkon në drejtim të fshatrave malore që degëzohen në njërën anë në drejtim të Deçanit e në anën tjetër në drejtim të Klinës, tashmë është ndërtuar thuajse komplet e re.

Ky projekt përbëhet prej tre largpërçuesve, atij të Cermjanit, Becit dhe Erenikut.

Të tri këto dalje janë shkrirë në një dalje të vetme dhe mbarojnë në fshatin Kralan të Gjakovës.

Kjo linjë është mbi 60 km e gjatë, përderisa 24 kilometra do të jetë nëntokësore.

Në linjën nëntokësore, përskaj magjistrales Gjakovë – Prishtinë tashmë pusetat dhe elementet e tjera janë vendosur.

Nga aty ndahet degëzimi në Lugbunar që është rrjet ajror, në anën e kundërt të Aeroportit të Gjakovës, që zë shtat po në këtë fshat.

Përgjatë këtij segmenti, tashmë gjarpërojnë në një reliev kodrinoro-malor 817 shtylla të reja betoni dhe përçues të rinj elektrikë. Janë në ndërrim e sipër gjithashtu plot 36 trafostacione.

Ky projekt madhor, i cili kap vlerën prej afër dy milionë eurosh, ka filluar në vitin 2021 dhe do të mbarojë së shpejti.

Prej tij përfitojnë më shumë se 2400 konsumatorë ose rreth 10 mijë qytetarë të asaj ane, duke pasur një rrjet të qëndrueshëm dhe furnizim stabil me energji elektrike.

Krahas këtij projekti, KEDS-i po kryen në të njëjtën kohë edhe projekte e investime të tjera në tërë territorin e Kosovës.

Lajme të sponsorizuara

Të fundit
Të dyja palët janë fajtore për faktin se progresi në…