Ismail Syla, anëtar i Këshillit Drejtues të Partisë Demokratike të Kosovës (PDK), pas rezultateve preliminare të zgjedhjeve të 6 tetorit, i ka bërë ftesë publike kryetarit të Nismës Socialdemokrate, Fatmir Limaj, që të kthehet në PDK.

Syla përmes një postimi në llogarinë e vet në “Facebook”, ka shkruar se PDK-ja në 20-vjetorin e themelimit të saj mund të ishte fituese po të ishte Limaj në këtë parti.

Postimi i plotë i tij:

ME SHKAS

Sonte, Partia Demokratike e Kosovës, përkundër angazhimit supermaksimal nga LDK dhe VV, ka mund ta shënojë 20 vjetorin e themelimit si fituese e zgjedhjeve të 6 tetorit po ta kishte me vete anëtarësinë e shtëpisë së saj, të NISMA-s.

I bëj ftesë publike z. Fatmir LIMAJ që të rikthehet në PDK.

URIME 20 vjetori gjithë anëtarësisë besnike të Partisë Demokratike të Kosovës.